Памерла Эльжбэта Радзівіл. Для яе Нясвіжскі палац быў домам

Учора, 20 ліпеня, памерла Эльжбэта Радзівіл (у замужжы Тамашэўская), дачка апошняга гаспадара Нясвіжскага замка — Альбрэхта Радзівіла і англічанкі Дораці Паркер Дзікан.

photo_2021_07_21_09_35_43.jpg

Пра смерць князёўны паведамляе «Наша Ніва».

Некаторы час Эльжбэта Радзівіл жыла разам з маці ў Парыжы і Рыме, потым — у Варшаве. Шлюб Альбрэхта Радзівіла з маці Эльжбеты быў нядоўгім, Эльжбета жыла з маці ў Парыжы і толькі час ад часу адведвала бацьку ў Нясвіжы, апошні раз — у 1935 годзе.

Упершыню наведала незалежную Беларусь у 1993 годзе.

У траўні 2009 года адбыўся неафіцыйны візіт князёўны ў Беларусь разам з іншымі прадстаўнікамі роду Радзівілаў, падчас якога Радзівілы наведалі Нацыянальны гістарычны архіў Беларусі, Нацыянальную бібліятэку Беларусі, Нацыянальны мастацкі музей Беларусі ў Мінску, а таксама гарады Мір і Нясвіж, вёскі Паланечку і Ішкалдзь.

У ліпені 2009 Эльжбета Радзівіл у суправаджэнні некалькіх прадстаўнікоў роду зноў наведала Нясвіж.

Пані Эльжбэце было за 100 гадоў.