Расія з канца жніўня пастаўляе ў Беларусь электрычнасць

«У даволі буйных аб'ёмах».

Пра гэта распавялі ў расійскай «Інтэр РАО».

А як жа наша АЭС, якую будавалі для «энергетычнага суверэнітэту»?

Нагадаем, першы яе блок не папрацаваў нават года — спатрэбіўся рамонт турбагенератара. Рэактар адключаны ад энергасетак з ліпеня.

У Міністэрстве энергетыкі паразумеліся. Кажуць, «імпарт расійскай электраэнергіі — гэта дадатковая мера для забеспячэння надзейнасці электразабеспячэння напярэдадні асенне-зімовага перыяду».

— У краіне ўжо назіраецца некаторы рост электраспажывання ў умовах, калі тэмпературны рэжым паніжаецца. Імпарт ажыццяўляецца зыходзячы з эканамічнай мэтазгоднасці, і ў дадзеным выпадку ён эканамічна абгрунтаваны, - распавялі ў ведамстве, перадае «Наша Ніва».

За верасень Беларусь плануе закупіць у Расіі прыкладна 300 млн. кВт электраэнэргіі.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: