Максім Субач на волі

Музыка, сябра ініцыятыўнай грыпы Віктара Бабарыкі, адседзеў 10 сутак арышту за надпіс на асфальце «Хопіць трываць Лу…».



Няведанне таго, што з табой будзе адбывацца далей, — гэта самае нясцерпнае, распавёў Максім Субач “Радыё Рацыя”:

— У гэтых установах два, як бы мовіць, варыянты абслугоўвання, калі на цябе вешаюць такое ярмо “палітычнага”, то забіраюць на дзень матрасы, не водзяць на прагулкі. Усё ж такі пару-тройку разоў выводзілі. Але мусяць выводзіць значна часцей. І вельмі цяжка сядзець у гэтай закрытай маленькай прасторы ўвесь дзень. Завяліся вошы.

Субачу не дазвалялася перадаваць кнігі, не выдаваліся папера з асадкай. За 10 сутак ён змяніў 3 камеры, і ад затрымання да вызвалення не змог пабачыцца з адвакатам.

Цяпер музыка збіраецца абскардзіць дзеянні міліцыі.

Стась Дадэрка, Беларускае Радыё Рацыя