Старшыня МГА ЗБС «Бацькаўшчына» Алена Макоўская з’ехала за межы краіны

Старшыня Міжнароднага грамадскага аб’яднання «Згуртаванне беларусаў свету «Бацькаўшчына»» Алена Макоўская з’ехала за межы краіны.

Алена Макоўская і Уладзімір Макей


«Хочацца спадзявацца, што гэта ўсе ж, хаця і раптоўная, але камандзіроўка, што гэта ўсё скончыцца і можна будзе вярнуцца ў Беларусь. Дзякуй усім, хто дапамагаў. Ну і выбачаюся перад жыльцамі майго дому за тое, што наш маленькі двор апынуўся раптоўна пад пільным кантролем», — напісала яна ў Facebook.

У Алены Макоўскай ёсць сабака. Яна напісала, што ён цяпер «у добрых людзей». «Думаю ёй лепей зараз, чым мне», — дадала яна.

Раней з’явілася інфармацыя, што краіну пакінула і грамадская дзяячка, каардынатар «Будзьма беларусамі!» і старшыня Рады у Згуртаванне беларусаў свету «Бацькаўшчына» Ніна Шыдлоўская.

Нагадаем, на мінулым тыдні адбыліся ператрусы ў шматлікіх грамадскіх арганізацый, у тым ліку і ў «Бацькаўшчыне». Шэраг праваабаронцаў, актывістаў, журналістаў былі затрыманыя.

Варта згадаць, што на З’ездзе беларусаў свету, які ладзіла «Бацькаўшчына», выступаў і кіраўнік беларускага МЗС Уладзімір Макей.



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: