Вынікі сустрэчы Пуціна і Лукашэнкі: Цэны на газ не мяняюцца, стварэнне адзінага рынку газу адкладаецца на 2023 год

Пасля перамоваў Пуціна і Лукашэнкі, якія доўжыліся 3,5 гадзіны, прэзідэнт Расіі заявіў, што ўзгодненыя ўсе 28 праграм па Саюзнай дзяржаве. Да канца года павінна адбыцца сумесная нарада, на якой гэтыя праграмы будуць узгодненыя.

gazprom_1.jpg

«Гаворка ідзе пра 28 так званых саюзных праграмах, якія нацэленыя на ўніфікацыю заканадаўства Расіі і Беларусі ў розных галінах эканомікі, на выраўніванне ўмоў дзейнасці гаспадарчых суб'ектаў дзвюх краін, пабудову адзіных фінансавых і энергетычных рынкаў, транспартнай прасторы, фарміраванне і рэалізацыю агульнай прамысловай і сельскагаспадарчай палітыкі. І сёння хацеў бы з задавальненнем адзначыць, што ўзгодненыя ўсе 28 праграм», — сказаў Пуцін.

Пуцін анансаваў падпісанне дакументаў аб стварэнні адзіных энергетычных рынкаў РФ і Беларусі, таксама адзначыў, што цана на энерганосьбіты ў 2022 годзе для Беларусі захаваюцца на ўзроўні 2021 года, а да 1 снежня 2023 года краіны падпішуць дакумент па стварэнні аб'яднанага рынку газу.

Пуцін таксама заявіў, што абмеркаваў з Лукашэнкам фарміраванне адзінай абароннай прасторы РФ і Беларусі і забеспячэнне бяспекі.

Таксама стала вядома, што Расія да канца 2022 года акажа Беларусі крэдытную падтрымку ў аб'ёме 630—640 млн даляраў. І Лукашэнка заявіў, што Беларусь пакуль не збіраецца звяртацца па новыя расійскія крэдыты.

Раней крыніцы РБК паведамлялі, што Беларусь планавала абмеркаваць выдачу крэдыту ў памеры да 3 мільярдаў даляраў.

І Пуцін, і Лукашэнка ў адзін голас гавораць, што адзінай валюты не будзе, але Беларусь і Расію чакае адзіная грашова-крэдытная палітыка: валютнае рэгуляванне, інтэграцыя нацыянальных плацежных сістэм і стварэнне агульнай плацежнай прасторы.

Паводле «Нашай Нівы».