Калумбія. Шэсць тысяч змагароў за мір распрануліся на плошчы

У калумбійскай Багаце шэсць тысяч чалавек агаліліся для інсталяцыі амерыканскага фатографа Спенсера Туніка, выступіўшы такім чынам за падтрыманне міру на зямлі.

Пра гэта са спасылкай на The Daily Mail паведамляюць naviny.by.

Здымкі адбыліся на галоўнай плошчы Багаты і сталі самай маштабнай працай Туніка за шэсць гадоў.

Людзі прастаялі без адзення пры тэмпературы плюс сем градусаў па Цэльсіі. «Мы шчаслівыя ад нашай галізны і ціхамірнасці. Гэта акт міру і спакою, які мы ўсе падзялілі адзін з адным. Таксама гэта момант адзінства. Прыйшоў час, каб выкараніць забабоны», — сказала адна з удзельніц.