Мадура абвясціў аб выпуску 100 млн венесуэльскай крыптавалюты El Petro

Прэзідэнт Венесуэлы Нікалас Мадура распарадзіўся выпусціць 100 млн крыптовалюты El Petro, якая будзе забяспечвацца нафтай краіны. 

«Кошт кожнага El Petro будзе роўны кошту аднаго барэля венесуэльскай нафты», — заявіў Мадура на пасяджэнні савета міністраў у Каракасе, піша tut.by са спасылкай на тэлеканал Telesur.
Таксама Мадура анансаваў сустрэчу майнераў нацыянальнай крыптавалюты 14 студзеня.

У пачатку снежня Мадура абвясціў аб стварэнні ў Венесуэле сваёй крыптовалюты. На яго думку, El Petro дапаможа краіне нарасціць «грашовы суверэнітэт», а таксама паспрыяе пераадоленню фінансавай блакады.
Венесуэльскі лідар таксама заявіў, што віртуальная валюта дазволіць ажыццяўляць транзакцыі і паспрыяе пошуку новых крыніц фінансавання бюджэту краіны. Крыптовалюта будзе забяспечвацца алмазамі, золатам і нафтай, якія здабываюць на тэрыторыі краіны, абяцаў тады Мадура.