Меркель дамагаецца частковай забароны паранджы і нікаба

Ангела Меркель заявіла, што паранджы і нікаб павінны быць забароненыя ўсюды, дзе гэта дазваляе закон. Яна таксама адзначыла, што каля 35 адсоткаў шукальнікаў прытулку ў ФРГ могуць быць высланы.

Фэдэральны канцлер Нямеччыны Ангела Меркель выказалася за забарону паранджы і нікаба ўсюды, дзе гэта дапускаецца законам. "У нас прынята паказваць твар, таму хаваць яго недапушчальна. Адзенне, якое цалкам хавае твар, павінна быць забаронена", — заявіла Меркель, выступаючы ў аўторак, 6 снежня, на партыйным з'ездзе Хрысціянска-дэмакратычнага саюза (ХДС) у Эсэне, паведамляе www.dw.com.

Кіруючая партыя ХДС, якую ўзначальвае Меркель, мае намер дамагчыся частковай забароны на нашэнне паранджы і нікаба — у тым ліку ў судах, пры праходжанні паліцэйскага кантролю і ў транспарце. Гэтая тэма падымаецца на партыйным з'ездзе ХДС ужо ў трэці раз. Дамагчыся абсалютнай забароны адзення, якое цалкам хавае твар, на думку юрыстаў, будзе няпроста.

У сваёй прамове федэральны канцлер таксама закранула сітуацыю з наплывам бежанцаў у Германіі летам 2015 года. Падобнае "больш не можа і не павінна паўтарыцца", і "гэта было і застаецца маёй і вашай абвешчанай палітычнай мэтай", падкрэсліла кіраўнік урада Германіі. Разам з тым яна адзначыла, што не ўсе з 890 тысяч чалавек, якія прыбылі ў 2015 годзе ў ФРГ і тых, хто падаў заяву аб прадастаўленні палітычнага прытулку, "могуць застацца і застануцца" ў краіне. Паводле яе слоў, сітуацыя прыкладна 35 адсоткаў мігрантаў не адпавядае крытэрам прадастаўлення прытулку.

Ангела Меркель таксама рэзка раскрытыкавала павелічэнне колькасці агрэсіўных паведамленняў і пастоў у інтэрнэце, якія распальваюць нянавісць. Часам "ствараецца ўражанне, што некаторым з тых, хто ўжо даўно жыве ў Нямеччыне, тэрмінова неабходны курс інтэграцыі", сказала канцлер ФРГ, заклікаўшы да павагай ставіцца да адзін з адным у сеціве.

Апладысменты пасля выступу Меркель на партыйным з'ездзе ХДС не змаўкалі 11 хвілін.